ژیروان سهعید حاجى بهدرى
پوخته
ستراتیجيیهتا ههستیكێن ماسى ژ ستراتیجيیهتێن هزرا رهخنهیى یه یێن د گشت بوارێن ژیانێدا سوودمهندن ...
زیاتر بخوێنەوە
ستراتیجيیهتا ههستیكێن ماسى ژ ستراتیجيیهتێن هزرا رهخنهیى یه یێن د گشت بوارێن ژیانێدا سوودمهندن و بۆ ڕوونكرنا ئاریشهیان و دیاركرنا چارهسهریێ بۆ ئهوێ ئاریشهیێ یان بوارێ دهێت بكارهینان، بوارێ پهروهرده و فێركرن ژ بوارێن گرنگه د ههمى جڤاكاندا نهخاسمه ل ههرێما كوردستانا عیراقێ و ستراتیجيیهتێن ڕوونكرنا بابهتان د بوارێ فێركرنێدا بۆ سهدێ بیست و ئێكێ گرنگن، چونكى سهدێ بیست و ئێكێ گوهۆڕین و پێشڤهچوونێن بلهز د بوارێ تهكنۆڵۆجییا و فێركرنێدا پهیدا دبن، ئهڤ ڤهكۆلینه ل ژێر ناڤێ ( كاریگهرییا ستراتیجییهتا ههستیكێن ماسى د بابهتێ گوهۆڕینا واتاییدا ل دهڤ فێرخوازێن پشكا زمانێ كوردى یێن فاكۆلتییا زانستێن مرۆڤایهتى ل زانكۆیا زاخۆ) یه و ئهڤ ستراتیجيیهته ب تنێ د بوارێ فێركرنێدا ناهێنه بكارهینان، بهلكو د گشت بوارێن ژیان و كاراندا دهێنه بهرجهستهكرن، د ئهڤێ ڤهكۆلینێدا باس ل كاریگهرییا ستراتیجيیهتا ناڤبرى د بابهتێ گوهۆڕینا واتایيدا ل دهڤ فێرخوازێن قۆناغا چوارێ یێن پشكا زمانێ كوردى ل زانكۆیا زاخۆ ب بهراورد ل گهل گرۆپهكێ دى یێن فێرخوازین ههمان پشك و قۆناغ ب شێوازێ تهقلیدى و بێ ستراتیجيیهت هاتییهكرن و هژمارا ئهوان فێرخوازن ل سهر (70) ێ ژ ههر دوو ڕهگهزان دابهشدبیت و بۆ ڤهكۆلینێ (35) فێرخواز بۆ فێربوونێ ل دویڤ ستراتیجيیهتا ههستیكێن ماسيیه و (42) فێرخواز بۆ فێربوونا تهقلیديیه، ئهڤ ستراتیجيیهته ل سهر هۆكار و ئهنجامان دهێته دابهشكرن و ڕوونكرنا گوهۆڕینا واتایێ ب ڕێكا ستراتیجيیهتا ناڤبرى ل سهر هێلكارییا ههستیێن ماسى، كو هۆكار ل سهر ههر دوو لایێن ههستیین ماسى دهێنه تۆماركرن و د سهرێ ماسيدا بابهت دهیت، ئهڤ ڤهكۆلینه ل دویڤ ڕێبازا ئهزموونگهريى و ئامارهييا (spss)هاتییه ئهنجامدان، د ئهنجامدا دیاربوو، كو جوداهییا ئامارهيى د بهرژهوندییا فیرخوازێن ل ستراتیجيیهتا ههستیكێن ماسيدا پشكدار ههیه.